памятка для родителей
Як далучыць дзяцей да беларускай мовы?
Мова…
Яе, як i Радзiму, трэба любiць i паважаць,
берагчы i ахоуваць
Часцей за ўсе бывае так, дзіця ідзе ў першы клас, а не толькі не ведае беларускай мовы, але, нават, ніколі і не чула яе меладычнасці і чысціні. Бацькі з жахам садзяцца з сынам, або з дачкой рабіць дамашнюю работу па-беларускай мове і адчуваюць, што ахапіць неахопнае адразу не атрымліваецца. Згублены нейкі перыяд часу, калі можна было далучаць дзіця да роднай мовы яшчэ з маленства. Што рабіць? Прапануем бацькам некалькі парад паступовага знаёмства дзяцей малодшага школьнага ўзросту з роднай мовай.
З чаго пачаць? Пачніце з чытання кніг, часопiсау, прывітання на роднай мове у сямi.
Затым звярніцеся да збораў ў школу у гульневай форме. “А давай апранацца па-беларуску!” – прапануйце дзiцяцi. І называйце яго адзенне: спаднiца, кашуля, сукенка, каўнерык, штаны, і г.д. Праз некалькі дзён ваша дзіця без памылак будзе знаходзіць адпаведную рэч, а потым і само назаве яе па-беларуску.
На кухне няхай маці пазаве дачушку гатаваць ежу па-беларуску. Назвы садавіны, гародніны, электрапрыбораў дзеці запомняць хутка і з задавальненнем будуць ужываць іх у размове з іншымі людзьмі. Тым часам тата, займаючыся рамонтам кватэры, разам з сынам разбіраюцца, якія патрэбны цвікі, гаечныя ключы, дошкі, шпалеры і іншае.
Ідучы па вуліцы з маленькім грамадзянінам Беларусі, раскажыце яму аб помніках архітэктуры вашага горада, назавіце па-беларуску назвы крамаў, транспарту, дрэвы ў парку, хатніх і дзікіх жывёл. Не трэба навязваць дзецям размову, калі яны змарылiся. Рухайцеся паступова, але ўпарта і тады хутка вы ўбачыце, што нездарма бавілі час, далучаючы сына i дачку да роднай мовы.
Лічыце, гэта займае шмат часу, ці патрабуе дадатковых ведаў? Не? Тады, не адкладаючы, бярэмся за работу і добрых вам з дзіцем гульняў па-беларуску!
